(Version 100-jähriges Jubiläum)

    1. Fahrsch du mit em Zug uf Züri
      wenn vo Basel here chunnsch,
      zwöschet em Zmittag und Zvieri,
      fahrsch du dor de Kappelerhof.
    2. Det wo d’Limmat ruuscht, det im grüene Tal,
      ach wie glücklich sind do d’Mänsche allimal.
      Do fahrt gar keis Tram, nur de Autobus
      und de Zug saust do verbii mit grossem Schuss.

Refrain:
Mini einzigi Heimat, min Kappi bisch du,
nach dir läbt im Herze mini Sehnsucht ohni Ruh.

    1. Grossi Hüüser und ganz chliini,
      Wolkechratzer findsch du au,
      Denner, Beck und s’neue Schuelhuus
      Quelle und de Bruggi au.
    2. Kappi isch e Weltstadt worde
      internationali Lüüt,
      seisch du fründli guete n’Obe
      verschtoht der ander vellicht nüüt.
    3. Gosch am Obig go spaziere,
      abe bis zum Kappisee
      zäme ächli go flaniere
      git dir wieder neue Pfuus.
    4. Chönnt ich nümm im Kappi wohne,
      tät mis Herz so furchtbar weh,
      zügle würd sich höchstens lohne
      wäg de Freud am Wiederseh.
    5. 100 Johr sind schnell vergange,
      s’isch e langi Ziit
      me tüend scho alli zäme plange
      will’s da öppis z’fäschte git
    6. Und so simmer jetzt im Fieber
      uf’s grosse Jubiläumsfäscht
      alli wo de Kappi liebe
      und au eusi viele Gäscht